E lelei le AA mo oe?

 

 O le tusiga aloaia lenei a le Koneferenisi o Auaunaga Lautele a le AA.

 Na ole sefululua fesili e te taliina

  

E lelei le AA mo oe?

Na o oe lava e te filifili pe e te fia taumafai mo

le A.A. — pe e te iloa e fesoasoani ia te oe. O matou

o loo i totonu ole A.A. na ala ona matou iai ona

ua le mafaia ona faatonutonu le tagofia ole ava. O

loo iai lava le inoino ia te i matou e tautino ai e

le i mafaia lava ona matou inu e aunoa mase

faalavelave. Ona matou logotala lea mai isi sui

auai ole A.A. o matou ua gasegase (Sa iai lava si

masalosaloga ile tele o tausaga!). Na matou iloa

mulimuli ane e tele lava tagata faapea sa faaletonu

mai i ia lagona ole maasiasi male leai ose faamoemoe

e pei o matou. Na matou maua mulimuli ane na

ia te i matou ia lagona ona sa maua i matou i lea

gasegase. Na matou filifili ia taumafai ia fesagai

lava male mea ua faia e le ava malosi ia i matou.

O nai fesili nei na matou taumafai ia taliina male

faamaoni. Afai matou te tali IOE ile fa fesili poo

le sili atu foi, lona uiga ua tele le faaletonu i la matou

inu. Taumafai ane pe faapefea oe. Ia manatua, e leai

se faalumaina ile tautino ole mea moni o iai ou faafitauli.

1 Sa iai sau filifiliga o le a tuu lau inu ise vaiaso

se tasi pe a, ae uma ane na ole lua aso?

O le toatele o matou ile A.A. sa faia le mau folafolaga

ia i matou ma o matou aiga. E lei mafai ona matou

savavali ai. Ona matou o mai lea ile A.A. Na fai mai

le A.A.: “Taumafai e aua e te tagofia le ava ile aso.”

(Afai ete le tagofia le ava i le aso, e le mafai ona e onā

i le aso)

2 Ete manao i tagata e aua le aia mai fua latou

i lau inu – aua le toe fai mai ia te oe ile mea

e te faia?

I totonu ole A.A. matou te le faatonuina se isi ile

mea e tatau ona fai. Pau lava le mea e fai ole

talanoa lava o matou ia ile matou tagofia ole ava,

o faafitauli na matou iai, ae pe faapefea ona

matou tuua lea mea. Matou te fiafia tele e

fesoasoani atu, pe afai e te finagalo ai.

3 Pe sa fesuisuiai au pia male faamoemoe

o le a taofia ai lou tagofia ole ava malosi?

Sa matou taumafai i soo se ituaiga auala. Sa

sui faavaivai mea inu. Poo le inu nao le pia.

Poo le le tagofia foi o koketeli (cocktails).

Poo le inu tau lava o faaiuga o vaiaso.

Faamalau uma mai mea ia, ae sa matou

taumafaia uma lava nei mea. Afai na matou

tagofia soo se taumafa o iai le ava malosi i

totonu e masani lava ona matou onana ai.

 

4 E masani ona e inu e tau faapupula ai ou mata

ile tausaga ua mavae?

E te manaomia se pia e tau amata ai, poo le tau

taofia ai ole le to’a? O se faailoga lea e tau mai

ai e le o oe ose tagata e inu ona o le fia “tafao.”

5 E te inoino i tagata e inu ae le oo lava latou

ise faalavelave?

I le tele lava o taimi, matou te manatu ai pe aisea

e le pei ai matou o le toatele o tagata, e mafai ona

inu ma mafai foi ona tuu.

6 Sa iai ni ou faafitauli e fesootai male taumafa

ava malosi ile tausaga ua mavae?

Ia faamaoni! Fai mai fomai afai e iai sou faafitauli

i le ava malosi ae inu lava, o le a faatuputeleina le

leaga – e le toe lelei. Mautinoa a le oti, o le a

e iu ise isi faalapotopotoga i lou olaga atoa. Pau

le faamoemoe ole tuu ole inu.

7 Sa tupu mai se faalavelave i lou aiga ona o

lou taumafa ava?

Ae matou te lei o mai ile A.A., o le tele lava o

matou na faapea o tagata poo faafitauli ile aiga

na afua ai ona tagofia le ava malosi. Matou te

le i iloa lava ole tagofia ole ava ua leaga ai

mea uma. E le i mafai ona foia ai le mau faafitauli

i soo se mea ma soo se taimi.

8 E masani ona e taumafai ia maua ni au

pia “faasili” ise pati ona e le lava pia o loo

ia te oe?

O le toatele o matou e masani ona amata i nai

pia “laiti” ae le i amata pe iloa o le a lea ituaiga

pati. Afai o le a le vave le faasolo mai o pia,

e sili ai le alu ise isi mea e maua ai le tele o pia.

9 E masani ona e tau ia te oe lava ia e mafai

ona e taofia lau inu i soo se taimi lava ete manao

ai, e tusa lava pe ona soo ae le o mafaufauina ?

O le tele o matou e faatamaiti lava ile manatu e

ala ona matou onana ona matou te manao iai.

Ina ua matou o mai ile A.A., na matou maua

ai ole taimi lava na amata ai ona tago ile ava, e

lei toe mafai ona taofi.

10 Na misia ni ou aso faigaluega poo le

a’oga ona ole tagofia ole ava?

O le tele o matou ua tautino lava e masani ona

telefoni e faanoi “ma’i” ile tele o taimi ae ole

mea moni sa matou tata’a ma onana.

11 E masani ona e “leiloa se mea”?

O le “leiloa ose mea” ole inu lea ile tele o itula

poo aso ae matou te le manatua. Ina ua matou

o mai ile A.A., na matou maua ai ole faailoga

mautinoa lenei ole tagata ‘ai ava le tapasaina.

12 E iai se taimi na e lagona ai ‘ai lava se

manaia o lou olaga pe ana e le inu pia?

O le toatele o matou sa amata tagofia le ava

malosi ona sa lelei ai le olaga, mo se taimi

puupuu. I le taimi ua matou ulufale ile A.A.,

na iloa ai e pei ua maileia i matou. Na matou

inu ia ola, ma ola ia inu. Na matou mamai

ma vaivai ile mamai soo.

Ioe Leai

            O le a lau sikoa?

Na e tali IOE faafa poo le sili atu foi? Afai o lea,

e leiloa poo ua tele ou faafitauli ile ava malosi.

Aisea e ala ai ona matou fai atu nei mea? Leaga o

upu ia a le afe ma afe o tagata sa i le A.A. ile tele

o tausaga. Ua latou maua le mea moni ia i latou

lava – i auala faigata.

Ae peitai, na o oe lava e te filifili pe lelei le A.A.

mo oe. Ia taumafai e tatala lou mafaufau ile

mataupu nei. Afai ole tali ole IOE, matou te fiafia

e faailoa atu ia te oe pe faapefea ona taofi le matou

tagofia ole ava malosi.

Telefoni mai.

E le tauto atu le A.A. na te foia uma ou faafitauli

o le olaga nei. Ae matou te fia faailoa atu pe

faapefea ona matou ola “i aso taitasi” e aunoa

male tagofia ole ava malosi. Ua matou aloese mai

le “ipu pia muamua.” Afai e leai se ipu pia muamua,

e leai foi se ipu lona sefulu. Ae afai o le a tiai le

inu pia, e mautinoa ole a maua se olaga o le a

 faatonutonugofie.

Pule o Lomiga @ 1973 & 2008

Alcoholics Anonymous World Services, Inc.

P.O. Box 459

Grand Central Station

New York, NY 10163

http://www.aa.org